Жорий йилнинг 19-22 январь кунлари Туркиянинг Коня шаҳрида чет эллик ёш тадқиқотчилар ва талабалар иштирокида Дийдор симпозиуми бўлиб ўтади. Тадбир Туркия Радио-телевидение бош кенгаши томонидан Салжуқ университети ҳамкорлигида ташкил этилмоқда. 

Симпозиумда Онадўли салжуқийлар давлати пойтахти бўлган Коня шаҳрининг минтақада илм-фан ва маданият ривожидаги тутган ўрни ҳақида маърузалар тингланади. 

Шунингдек, анжуманда самарқандлик буюк аждодимиз Имом Мотуридийнинг ҳаёти ва илмий фаолияти, қолдирган улкан мероси, олим қарашларининг Онадўлига ёйилиши ва бу ерда исломий илмларнинг ривожланишига таъсири ҳақида сўз боради. 
Симпозиумда бир гуруҳ ўзбекистонлик талабалар ҳам иштирок этади.