Россия, Туркия ва Эрон дипломатлари Москвада маслаҳатлашувлар ўтказди. Остонада бўлиб ўтадиган Сурия томонлари ўртасидаги музокара маслаҳатлашувларнинг асосий мавзуси бўлди.
"Муҳокамада 23 январда Остонада ўтиши белгиланган Суриядаги вазиятни тартибга солиш бўйича халқаро учрашувга тайёргарлик ва уни ўтказиш масалаларига эътибор қаратилди. Остонадаги форум Суриядаги жанговар ҳаракатларни узоқ муддатга ва барқарор тўхтатишни таъминлашга, террорчилик гуруҳлари билан курашни давом эттиришга ҳамда Сурия инқирозини БМТ резолюциялари асосида сиёсий ҳал қилиш жараёнига зарур туртки бериш мақсадида ўтказилиши ҳақида умумий фикр билдирилди", деб айтилди хабарда.
Учрашув 23 январда бўлиб ўтиши режалаштирилмоқда. Унда Сурия ҳукумати ва қуролланган мухолифат вакиллари иштирок этишади.