Назарбоев Бирлашган Араб амирликларига расмий ташриф билан борди
15.01.2017 18:42,
6
Нурсултон Назарбоевнинг 15 январь, якшанба куни Абу-Дабига расмий ташрифи давомида Қозоғистон ва Бирлашган Араб амирликлари ўртасидаги ҳамкорликни ривожлантиришга қаратилган ҳужжатлар имзоланади.
2017 йилдаги илк хорижий ташрифи давомида Қозоғистон раҳбарининг Абу-Даби валиаҳд шаҳзодаси, БАА олий қўмондони ўринбосари шайх Муҳаммад бин Зайд ал-Нахаён ҳамда бошқа давлат арбоблари билан учрашуви кўзда тутилган.
Учрашувлар чоғида қатор ҳужжатлар, жумладан, консуллик масалалари, молия, туризм, транспорт соҳаларида меморандумлар имзоланиши режалаштирилган.
Маълумот учун, 2005–2016 йилларда БААнинг Қозоғистон иқтисодиётига тўғридан-тўғри инвестициялари ҳажми салкам 2 миллиард долларни ташкил этганди.