Сирдарёда экскаваторларни таъмирлаш заводи қурилади
16.01.2017 13:24,
6
Ўзбекистон Президенти Шавкат Мирзиёев «Экскаваторлар ва гусеницали техникани таъмирлаш заводини қуриш» инвестиция лойиҳасини оптималлаштириш чора-тадбирлари тўғрисида қарор (pdf) имзолади, деб ёзади Дарё.
Давлат раҳбари «Ўзбекистон темир йўллари» акциядорлик жамиятининг «Ўзтемирйўлмаштаъмир» унитар корхонасининг Сирдарё вилояти Сирдарё шаҳрида жойлашган вагон-ғилдирак устахоналари негизида экскаваторлар ва гусеницали техникани таъмирлаш заводини қуриш таклифини маъқуллади.
Нашр эслатишича, аввалроқ «Ўзбекистон темир йўллари» АЖ Гулистон шаҳрида 29 миллион долларлик инвестиция лойиҳасини амалга оширишни режалаштирган эди. Лойиҳа 2017 йил 1 июлгача амалга оширилади.