Ўзбекистон Президенти Шавкат Мирзиёев Қирғизистон Президенти Алмазбек Атамбаевга Boeing 747 юк самолёти фалокатга учраши оқибатида кўплаб инсонлар, жумладан, болалар ҳалок бўлгани муносабати билан ҳамдардлик изҳор этди. Бу ҳақда президент матбуот хизмати маълум қилади.
16 январь куни Истанбул -Бишкек йўналиши бўйича парвоз қилаётган Туркиянинг юк самолёти Манас аэропортининг қўниш йўлагиги ета олмай қулаган эди. Авиаҳалокат оқибатида 37 киши ҳалок бўлди.
Қирғизистонда 17 январь мотам куни деб эълон қилинди.