Ўзбекистонликлар Олмаотадаги халқаро олимпиада совриндори бўлди
20.01.2017 10:50,
7
12−18 январь кунлари Олмаотада (Қозоғистон) математика, информатика ва физика бўйича XIII Халқаро Жаутиков олимпиадаси бўлиб ўтди. Унда 18 мамлакатдан 182 нафар мактаб ўқувчиси, жумладан, Ўзбекистондан 7 вакил иштирок этди.
Математика мусобақалари якунлари бўйича Бухоро давлат университети қошидаги 3-академик лицей вакили Абдумалик Абдуқаюмов 42 балдан 20 балл тўплаган ҳолда кумуш медалга сазовор бўлди.
Худди шу лицей ўқувчиси Сирожиддин физика бўйича олимпиада бронза медалини қўлга киритди. Тошкент ахборот технологиялари университети қошидаги 2-академик лицей ўқувчиси Темурбек Хўжақулов эса информатика бўйича мусобақа бронза медали совриндори бўлди.