Шавкат Мирзиёев Италия президенти Сержо Маттареллага Гран-Сассо-дъИталия тоғли массивидаги қор кўчиши оқибатида инсонларнинг ҳалок бўлиши муносабати билан чуқур таъзия изҳор этилган мактуб йўллади. Бу ҳақда Ўзбекистон Ташқи ишлар вазирлиги матбуот хизмати хабар беради.
Ўзбекистон раҳбари ўз мактубида қурбон бўлганларнинг оила аъзолари ва яқинларига ҳамда жароҳатланганларга самимий ҳамдардлик ва қайғудошлик сўзларини етказишни сўради.
18 январь куни Марказий Италияда кучли ерости силкинишлари сабаб қор кўчкиси содир бўлди. Фожиа оқибатида 30 киши бўлган меҳмонхона қор кўчкиси остида қолиб кетган.