Италияда тиббий ёрдам вертолёти қулаб тушди. Қурбонлар бор
25.01.2017 00:16,
2
Италияда тез тиббий ёрдам вертолёти фалокатга учраши оқибатида 6 киши ҳалок бўлди, деб хабар бермоқда полиция вакилига иқтибос келтирган ҳолда Италиянинг ANSA ахборот агентлиги.
Агентлик маълумотларига кўра, вертолёт бортида олти киши — икки учувчи, шифокор, ҳамшира ва икки қутқарувчи бўлган.
ANSA’нинг қайд этишича, қутқарувчилар вертолёт қулаган жойга пиёда йўлга чиққан.
Қутқарув хизматидан маълум қилишларича, вертолёт тоғ йўлида қолиб кетган жабрланувчилар учун ёрдам кўрсатиш мақсадида йўлга чиққан эди.
Бу вертолёт Италия марказида юз берган қор кўчкиси остида қолиб кетган Rigopiano di Farindola меҳмонхонасида одамларни қутқариш операциясида қатнашмаётган эди.