Ўзбекистонда Ислом Каримов таваллуд топган санани нишонлашга тайёргарлик кўрилмоқда
25.01.2017 12:07,
4
Ўзбекистоннинг барча ҳудудларида биринчи Президент Ислом Каримов хотирасига бағишланган тадбирлар ўтказилмоқда, деб хабар қилди ЎзА. Улар 30 январь — Ислом Каримов туғилган куни арафасида ташкил этилмоқда.
Тадбирларни ташкил этишда Республика Маънавият тарғибот маркази, Миллий ғоя ва мафкура илмий-амалий маркази, Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси, “Камолот” ёшлар ижтимоий ҳаракати, “Маҳалла” хайрия жамоат фонди, Касаба уюшмалари федерацияси кенгаши каби турли давлат ва жамоат ташкилотлари вакиллари, профессор-ўқитувчилар, маънавият тарғиботчилари, олимлар, ёзувчи ва шоирлар фаол иштирок этмоқда.