Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Шимолий кореялик собиқ дипломат: КХДР қулашига оз қолди
28.01.2017 12:19,  
12

КХДРдан Жанубий Кореяга қочиб ўтган Шимолий Кореянинг Буюк Британиядаги собиқ элчиси ўринбосари Ким Жонг Ин ҳокимияти узоққа чўзилмаслигини башорат қилди, дея хабар бермоқда Al Jazeera телеканали.

Ўтган йилнинг август ойида Сеулга қочиб келган шимоллик собиқ дипломат Тҳе Ёнг Ҳо иштирокида биринчи марта хорижлик журналистлар учун матбуот анжумани ташкил этилган. Унинг маълум қилишича, КХДР ҳукуматининг қаттиққўл ва қатағон сиёсати мамлакат аҳолиси орасида норозилик ортишига сабаб бўлмоқда.

Тҳе Ёнг Ҳо Шимолий Кореядаги тузум тез орада қулашини тахмин қилмоқда. «Ишонч билан айтиш мумкинки, Ким Жонг Иннинг саноқли кунлари қолган. Шимолий Кореянинг анъанавий тузилмаси нураб бормоқда. Шимолий Кореянинг ядровий таҳдидидан қутилишнинг ягона йўли Ким Жонг Ин ҳокимиятига барҳам беришдир», – дея ўз фикрини билдирган қочоқ дипломат.

Тҳе Ёнг Ҳонинг фикрича, КХДРдаги сиёсий вазият Ким Жонг Илнинг ўлимидан сўнг ёмонлаша бошлаган. Ким Жонг Иннинг 5 йилдан бери давом этаётган шафқатсиз сиёсати мамлакат элитаси ўртасида тушкунлик пайдо бўлишига сабаб бўлган. Юқори лавозимли амалдорлар ўртасида ўтказилган тозалаш ишларида Ким Жонг Ин ҳатто ўз тоғаси Чанг Сонг Тҳекни ҳам хиёнат ва коррупсияда айблаб қатл эттирган.

Маълум бўлишича, шимолий кореялик дипломатлар хорижга жўнаётганда фарзандларидан бирини мамлакатда қолдиришга мажбур қилинади. Бу билан дипломатларнинг жанубга қочишларининг олди олинади. Тҳе Ёнг Ҳо олдинроқ Жанубий Корея парламентида қилган чиқишида шимоллик дипломатлар орасида жанубга қочишни истайдиганлар кўплаб топилиши ҳақида гапирган эди.

Тҳе Ёнг Ҳо Сеулга келганидан кўп ўтмай, КХДР давлат телевидениеси уни давлат маблағларини ўзлаштириш, вояга етмаганлар номусига тегиш ва Жанубий Корея фойдасига жосуслик қилишда айблаб чиққан.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан