Хитой Халқ Республикаси раҳбари Си Цзиньпин оиласига алоқадорлиги билдирилаётган хитойлик миллиардер Цзяньхуа Антигуа полиция томонидан Гонконгдаги меҳмонхонадан олиб кетилиб, Хитойга жўнатилди, деб хабар бермоқда New York Times газетаси.
Нашр маълумотларига кўра, 45 ёшли тадбиркор 27 январда The Four Seasons меҳмонхонасидаги хонасидан олиб чиқилиб, Хитой ҳудудига олиб кетилган. Таъкидланишича, Tomorrow Group компаниясининг асосчиси бўлган Цзяньхуа Антигуа давлати дипломатик паспортига ҳам эга.
ОАВга кўра, ҳозирда Цзяньхуа Антигуа қўлга олинган ва пора билан боғлиқ иш доирасида сўроқ қилинмоқда. Бизнесмен жойлашган хоналарда қаршилик аломатлари пайқалмади.
Бу ҳақда маълум қилган The Guardian нашри тадбиркорнинг ўғирлаб кетилиши ортида чиндан ҳам Хитой полицияси турган бўлса, бу Гонконг конституциясининг бузилиши эканлигини билдирди.