Харидларни интернет орқали амалга ошириш тобора ортиб бораётган халқаро миқёсдаги тенденция сифатида аллақачон жамият ҳаётида ўрнашиб бўлган Ўзбекистон ҳам бу жараёндан четда қолгани йўқ.
Энг йирик OLX эълонлар сервисининг аналитиклари 2016 йил статистикасини ўрганиб чиқдилар ва қайси автомобиль маркалари кўпроқ сотилганини аниқладилар.
OLX аналитиклари Chevrolet автомобилларини бошқа русумдаги автомобилларга нисбатан кўпроқ сотиб олишади, деган хулосага келишди.
Ўзбекистонда ишлаб чиқариладиган автомобиллар интернетдаги барча харидларнинг 56 фоизини ташкил этади. Бу русумдаги машиналарни онлайн орқали бир неча минг долларга топиш мумкин.
Иккинчи ўринни Россиянинг АвтоВАЗа заводи маҳсулотлари банд этди, улар OLX орқали амалга оширилган харидларнинг 16,5 фоизини ташкил қилган.
Учинчи ўрин Daewoo русумига насиб қилди. Мазкур бренд остидаги машиналар хариди ўн фоизга тенг.
Бешликка шунингдек, немисларнинг Mercedes ва Россиянинг ГАЗ автомашиналари ҳам кирди. 2016 йилда уларнинг савдодаги улуши 2 фоиздан бўлган.
Ўнликни улуши 0,7дан 2 фоизгача бўлган автомобиллар якунлайди. Улар орасида BMW ва "Москвич" юқорироқда жойлашган. Улардан кейинги ўринни Hyundai эгаллаган. Рўйхат охирида Nissan ва Toyota 0,8 фоиздан улуш билан турибди.
Энг оммабоп модел Chevrolet Spark бўлди. У жами харидларнинг 16,6 фоизини ташкил қилган. Кейинги ўринда 12,9 фоиз улуш билан Lacetti турибди. Chevrolet Nexiaнинг улуши 10,1 фоизга тўғри келган бўлса, Matiz ундан ярим фоизга ортда қолган. Cobalt ҳиссасига 7,4 фоиз харид тўғри келади. Олтинчи ўринда 4,4 фоиз билан Daewoo Matiz бормоқда, ундан кейинги ўринларни Chevrolet Captiva ва Daewoo Nexia 3,9% улуш билан эгаллаган. ВАЗ 2106 харидларнинг 3 фоизини ташкил қилди, жами харидларнинг қолган 40 фоизи бошқа моделдаги автомобилларга тўғри келади.
OLXда энг арзон автомобил нархи икки миллион сўмдан бошланади. баъзида эса антиқа таклифлар ҳам учраб қолади. Масалан, тўлиқ таъмирдан чиқарилган қадимий "Чайка" учун 100 минг доллар сўрашган.
Озгина юрган Mercedes G55 йўлтанламасини 130 минг долларга беришади. Германиядан келтирилган Porsche Cayenne 95 минг, Panamera 88 минг доллар туради.
Тезликни хуш кўрувчилар учун 60 минг долларга Maserati Ghibli сотилади. Машҳур Ford Mustang ҳам шу нархга тушади, эълон муаллифи машинани ер участкасига алмаштиришга ҳам тайёр.
2016 йилда OLXда сотилган энг қиммат машина эса 220 миллион сўм — 67,5 минг долларлик Audi Q7 бўлди.