Need For Speed ўйинининг навбатдаги версияси 2018 йилнинг март ойигача тақдим этилиши ҳақида Electronics Arts компанияси инвесторларни огоҳлантирди, деб ёзмоқда Terabayt.

Electronics Arts бош директори Эндрю Уильсоннинг қайд этишича, янги  Need For Speed кўп фойдаланувчилар томонидан ўйналиши мумкин бўлган пойга элементларига кучлироқ урғу берилади.

Янги ўйиннинг ҳозирда Electronic Arts — EA Spearhead корейс студияси яратаётган Need for Speed: Edge версиясига ҳеч қандай алоқаси йўқ. Need for Speed: Edge бепул онлайн режимидаги ўйин бўлиб, Need for Spеed Rivals компонентлари асосида тайёрланмоқда.

2015 йилда чиқарилган Need For Speed версияси гарчи яхши тюнинг, ҳар хил форматдаги автомобиллар ва чиройли графикага эга бўлса-да, сунъий интеллект ва мультиплеер режими борасида оқсар эди. Шу боис компания мазкур камчиликларни бартараф этиши учун янги версиянинг устида жиддий ишлашига тўғри келади.

Need For Speed’нинг кейинги қисми машҳур сериядаги 23 ўйин бўлиши кутилмоқда.