Фавқулодда вазиятлар вазирлиги Ўзбекистоннинг тоғли ҳудудларида об-ҳаво шароитининг ёмонлашиши ва қор кўчиши хавфи борлигидан огоҳлантиради.
4 февралгача Қамчиқ довонида А-373 автомобиль йўлида қор ёғади, ҳаво ҳарорати -15-18 даражагача тушиб кетади. 50 - 100 метр узоқликда кўриниш даражасининг ёмонлашиши, шамол тезлигининг сониясига 18-23 метргача кучайиши кутилмоқда.
3-4 февраль кунлари маҳаллий соат 08.00 дан соат 08.00гача Чимён табиий ҳудуд чегарасида қор кўчиш хавфи бор, дейилади вазирлик хабарида.