АҚШ Теҳрон томонидан баллистик ракеталар дастури ишлаб чиқилгани муносабати билан, Эронга нисбатан санкциялар рўйхатини кенгайтирди. Бу ҳақда Reuters ахборот агентлиги хабар берди.
Санкциялар рўйхатига 13 жисмоний шахс тушган, улар орасида Эрон, БАА, Хитой, Кувайт ва Ливан фуқаролари бор.
Шунингдек, чекловлар остига Эрон, Ливан, Хитой ва БААда жойлашган 12 та компания тушган.
Бундан бир неча соат аввал АҚШ президенти Дональд Трамп Twitter’даги саҳифасида Эронни «олов билан ўйнашиш»да айблаб, эронликларни «президент Обама уларга нисбатан қанчалик ‘меҳрибон’ бўлганининг қадрига етмаяпти», деб ёзган эди. «Мен бундай меҳрибон бўлмайман!», — дея ваъда берди Трамп