Хитойнинг Хэнань провинциясида яшовчи хитойлик қўшнилари билан можаро давомида улардан беш нафарини пичоқлаб ўлдирди. Бу ҳақда маҳаллий полицияга таяниб, «Синьхуа» агентлиги маълум қилди.

Хабарда айтилишича, ушбу провинцияда истиқомат қилувчи фуқаро кичик ер участкаси сабаб, қўшнилари билан жанжаллашиб, жаҳл устида қўлига пичоқ олган ва улардан 3 тасини пичоқлаб ташлаган. Шу билан бирга, кўнгилсизликда қатнашган яна 4 киши жароҳатланган.
 
Зудлик билан шифохонага етказилиб, ҳаётини сақлаб қолиш учун керакли чоралар кўрилганига қарамай, жароҳатланганларнинг 2 нафари оламдан ўтди.
 
Маълумотларга қараганда, бўлиб ўтган ишдан сўнг қотил ўз жонига ҳам қасд қилмоқчи бўлган. Бироқ у полиция томонидан ҳибсга олинган.