АҚШнинг Эронга санкцияларини кучайтириши нефть нархи ошишига сабаб бўлди
6.02.2017 17:10,
4
Нефть нархи АҚШ томонидан Эронга қарши санкциялар кенгайтирилгани туфайли кўтарилиб бормоқда. Бу ҳақда «Интерфакс» хабар берди.
Тошкент вақти билан соат 10:18га келиб, Brent навли нефть аралашмасининг апрель ойи учун фьючерс савдоларидаги нархи 0,35 фоизга қимматлашиб, бир баррели 57,01 доллардан сотилган. WTI навининг март ойи фьючерси ҳам 0,35 фоизга кўтарилиб, бир баррели 54,02 долларни ташкил этган.
Нью-Йорк товар биржасида (NYMEX) мартда етказиладиган WTI нефти баҳоси 0,17 долларга кўтарилиб (0,32 фоиз), бир баррели учун 54 долларга етди.
Эслатиб ўтамиз, Эрон 29 январда баллистик ракета синовини ўтказганига жавобан, Вашингтон Теҳронга нисбатан рўйхатини кенгайтирган эди.