Буюк Британия бош вазири Тереза Мэйнинг вакили берган баёнотга кўра, мамлакатнинг Европа Иттифоқидан чиқишига қарши бўлган парламент аъзолари ҳукумат раҳбарининг Brexit бўйича ўз стратегиясини амалга оширишига халал бера олмайди. Бу ҳақда Reuters хабар бермоқда.
«Бизнинг фикримизча, ҳукуматда британия халқи хоҳиш-истагини амалга ошириш бўйича ҳуқуқ бўлиши керак», - деди вакил.
Бу баёнот парламентда Мэйнинг Brexit бўйича стратегияси муҳокама қилиниш жараёни фонида қилинди.
«Биз Европа Иттифоқи таркибида қолиш ёки иттифоқ билан қайта қўшилиш бўйича уринишларга ҳеч бир имкон қолдирмаймиз», — дея қўшимча қилди Мэйнинг вакили.
Аввалроқ Буюк Британия ҳукумати мамлакатнинг Европа Иттифоқи таркибидан чиқиши бўйича расман ҳужжат — «Оқ китоб»ни эълон қилган эди.