World Government Summit саммитида Дубай йўллар ва транспорт бошқармаси “автоном учувчи аппарат”ни (AAV) намойиш қилди. Бу ҳақда Khaleej Times хабар бермоқда, деб ёзади Carzone.

Хитойнинг Ehang компанияси лойиҳасини тузган транспорт қисқа ва узоқ масофаларга йўловчи ташиш учун мўлжалланган. Йўлдаги тиқилинчларнинг устидан учиб ўтиб кетади.

Учармобиль электр истеъмол қилади. Уни бошқариш учун ҳайдовчилик гувоҳномаси талаб қилинади. Машина белгиланган манзилга ўзи учиб бора олади.

Аппаратнинг навигацион тизими бор. “Учиш” ва “қўниш” тугмалари орқали ҳаракатни идора қилиш мумкин. Машина ҳаракатини буйруқ бериш маркази кузатиб туради, лозим бўлса, ёмон об-ҳавода учишни тақиқлайди.