Курил оролларига Россия ном берганидан Япония норозилик изҳор қилди
14.02.2017 10:08,
3
Япония ҳукумати Курил оролларидан бештасига Россия ном берганлиги учун норозилик билдирди. Бу ҳақда Токиодаги матбуот-конференциясида мамлакат вазирлар маҳкамасининг бош котиби Ёсихиде Суга маълум қилди.
“Буни қабул қилиб бўлмайди ва Япониянинг нуқтаи назарига зиддир. 13 феврал куни биз РФга дипломатик каналлар орқали норозилик хатини йўлладик”, деди Суга.
Курил оролларининг бештасига ном бериш ҳақидаги фармойишни Россия ҳукумати раиси Дмитрий Медведев яқинда имзолади.