АҚШ президенти Дональд Трамп Россия Қримни Украинага қайтариб беришига умид қилмоқда, деб айтди Оқ уй матбуот котиби Шон Спайсер, дея хабар бермоқда DW.
"Президент Трамп Россия ҳукумати Украинадаги зўравонликка барҳам бериши ва Қримни қайтаришига умид қилишини тушунишларини аниқ билдириб қўйди", деб айтган Спайсер матбуот-анжуманда.
Халқаро ҳамжамият назарида Россия 2014 йилнинг мартида Украина ҳудудининг бир парчаси бўлган Қримни босиб олган.
2016 йил декабрида БМТ Бош Ассамблеяси Россиянинг Қримни “қўшиб олиши”ни қораловчи резолюцияни қабул қилди ва Қримни “вақтинчалик босиб олинган” ҳудуд сифатида эътироф этди.