Ўзбекистонда импорт қилинувчи ижтимоий аҳамиятга молик дори воситалари ва тиббий буюмларга қайд қилинган чегараланган нархлар белгиланди. Улар рўйхати Хусусийлаштириш, монополиядан чиқариш ва рақобатни ривожлантириш давлат қўмитаси сайтида эълон қилинди.
Аввалроқ миллий ишлаб чиқарувчиларнинг ижтимоий аҳамиятга молик дори воситалари ва тиббий буюмларига белгиланган нарх чегаралари тасдиқлангани тўғрисида хабар қилинган эди.
Ўтган йилнинг 31 октябрдаги қарорига мувофиқ, нархлар Даволаш муассасалари ва аҳолини дори-дармон воситалари ва тиббиёт буюмлари билан таъминлаш Республика комиссияси томонидан белгиланади. Рўйхатдан жами 116 номдаги Ўзбекистонда ишлаб чиқариладиган, 227 номдаги хориждан импорт қилинадиган дори-дармон воситалари ўрин олган.