Япониялик 76 яшар пенсионер Тацуо Хориучи компютерда расм чизишни жуда истайди, аммо график дастурларни сотиб олишга қурби етмади (калити синдирилган версиясидан фойдаланмагани қизиқ). Сўнг у электрон жадваллар дастуридан фойдаланишга аҳд қилди.
Excelда расм чизиш худди математикдан рассомликни талаб қилишдек деярли амалга ошмас ишдир. Аммо япон пенсионери компютер олиб уни ўрганишга киришди. Рассомликка иштиёқи баландлигидан Paint дастурини ўрганди, аммо унинг имкониятлари чекланганлигидан тезда ҳафсаласи пир бўлди. Photoshop каби мукаммал график муҳаррирлар эса қиммат туради. Шу боис Хориучи компютерига ўрнатилган Microsoft Office пакети билан қизиқди.
Қисман расм чизиш имконияти кўпроқ бўлган Word билан нега ишламаганлиги биз учун қоронғу. Япон амаки Excel дастурини ўрганишга киришди. “Эксел” унга Paintдан кўра қулайроқ туюлди. У ўн йил маҳоратини оширди ва ниҳоят, “эксел”чи рассом даражасига етишди. Сиз кўриб турган расмлар электрон жадвалда чизилганлигига ишонасизми? Excelда яратилган шедеврларни юклаб олинг.