Қорақалпоғистон Республикаси Вазирлар Кенгаши, Республика прокуратураси, Ички ишлар вазирлиги ва бошқа мутасадди идораларнинг қўшма фармойишига мувофиқ жорий йил январда «Моддий ёрдамга муҳтож бўлган вояга етмаганларни моддий жиҳатдан таъминлаш ойлиги» ўтказилди. Бу ҳақда «KRuz.uz» хабар бермоқда.

Тадбир давомида 2541 ижро ҳужжати бўйича қарздорлардан жами 390 миллион сўмдан ортиқ алимент ундириб берилди.

Бундан ташқари, 300 нафар қарздорнинг республика ҳудудидан вақтинча чиқиш ҳуқуқи чекланиб, 254 кишига нисбатан қидирув эълон қилинди.

Суд ижрочилари томонидан 15 нафар қарздорга нисбатан жиноий иш қўзғатиш бўйича тақдимнома киритилиб, 12 нафарига шундай чора қўлланди.