Қозоғистонда қор кўчкиси остида қолган ҳарбий хизматчиларнинг оилаларига 22 минг доллардан компенсация пули тўланади, деб маълум қилди Қозоғистон мудофаа вазири Сакен Жасузаков. Бу ҳақда «Газета.ru» хабар бермоқда.
"Ҳар бир оилага 5 йиллик маош миқдорида бир марталик компенсация тўланади. Бу компенсация ўртача 4 млн дан 7 млн тангагачани (12,6 мингдан 22 минг долларгача) ташкил қилади", деб маълум қилди Жасузаков.
Эслатиб ўтамиз, Қозоғистоннинг Жамбил вилоятида юз берган қор кўчкиси оқибатида етти нафар ҳарбий хизматчи ҳалок бўлган эди.