Республикадаги барча вилоятларда автобус йўналишининг иш тартиби, транспорт ҳаракати йўналишлари, унинг бекатга етиб келиш вақти кўрсатилган электрон ахборот таблолари ўрнатилади. Бу ҳақда Ўзбекистон автомобиль ва дарё транспорти агентлиги бўлим бошлиғи Галина Магай маълум қилди.
Электрон ахборот таблода шунингдек, валюта курси, Тошкент шаҳридаги об-ҳаво бўйича маълумотлар ҳам акс этади.
Эслатиб ўтамиз, ахборот таблолари ўрнатилиши Тошкентда ўтган йилнинг декабрь ойида бошланган эди. Бугунги кунда улар пойтахтнинг 20 донадан ортиқ автобус бекатларига ўрнатилган.