Илгарироқ Россия президенти Владимир Путин Қозоғистон раҳбари Нурсултон Назарбоев билан душанба куни ОлмаОтада расмий учрашув ўтказиши ва шундан сўнг Путин Тожикистон ва Қирғизистонга сафар уюштириши ҳақида айтиб ўтган эдик.
Қозоғистонлик сиёсатшунос Дониёр Ашибаев Россия президентининг Марказий Осиё давлатлари бўйлаб турнесига қуйидагича изоҳ берди: "Марказий Осиё давлатлари раҳбарлари, энг аввало Қозоғистон президенти Владимир Путин билан ўзларининг баъзи вазирларидан кўра кўпроқ мулоқотда бўладилар. Уларнинг мулоқоти, табиийки иқтисодий, ҳарбий ва ҳамкорликнинг бошқа йўналишларини ҳисобга олган ҳолда кечади.
Путиннинг Ўзбекистон президенти билан бўладиган учрашуви эса тамомила бошқа масала. Нега десангиз, қаердадир президентлик сайловлари кутилмоқда(Қирғизистон), яна қаердадир ҳокимиятга транзит қилиш билан тугаши мумкин бўлган (Қозоғистондаги каби) сиёсий ислоҳотлар. Шу боис Россия раҳбари маълумот олиш учун сафарга чиқди, деб айтсак ҳам бўлади", — дея фикр билдирди эксперт.