Ўзбекистонга Россия ҳудудидан яна совуқ ҳаво оқими кириб келмоқда
27.02.2017 18:56,
11
Ушбу ҳафтада Ўзбекистонда яна ҳарорат совий бошлайди, деб хабар қилди "Даракчи" нашри.
Бироз илиқ фурсатдан сўнг мамлакатимизга Россиянинг Поволожья ҳудудидан яна нам ва совуқ ҳаво оқими кириб келади.
Қишнинг сўнгги куни ҳали илиқ бўлади. 1 мартдан эътиборан ҳарорат пасая бошлайди. Шу куни Ўзбекистонда ёмғир, 2 мартдан эса қор ёғиши кутилмоқда. 3 мартдан ёғингарчилик кутилмайди.
Ҳаво ҳарорати кундузи +3…+8 ˚C тушади, тунда минус 3˚C пасаяди.
Эслатиб ўтамиз, бугун кундузи Ўзбекистонда ҳаво ҳарорати 20 даража илиқ бўлгани ҳақида хабар берган эдик.