Тошкент аэропортининг 2019 йилда қуриб битказилиши кутилаётган янги — «Тошкент-4» терминали меъморий лойиҳаси Жанубий Кореянинг Heerim компанияси томонидан ишлаб чиқилган.
Қиймати 430 миллион доллардан ортиқ бўлган бу лойиҳага кўра, «Тошкент-4» майдони 87 минг квадрат метр бўлиб, соатига 1,5 минг ёки йилига 5,7 миллион йўловчига хизмат кўрсатади.
Терминал 4 қаватдан иборат бўлиб, 36 самолётни сиғдира оладиган перрон, шунингек автомобиллар тураргоҳига ҳам эга бўлади. Қурилиш ишларига 3 йил вақт сарфланади ҳамда қурилиш-монтаж ишлари жорий йилда бошланади.