Туркманистонда Ислом Каримов ёдгорлик мажмуаси очилади
6.03.2017 13:37,
6
Бугун, 6 март куни Ўзбекистон Президенти Шавкат Мирзиёев давлат ташрифи билан Туркманистонга жўнаб кетгани хабар қилинган эди. Ташриф доирасида стратегик ҳамкорлик тўғрисида, ҳар соҳада ҳамкорликни ривожлантириш бўйича иккитомонлама ҳужжатлар имзоланиши кўзда тутилган.
Шавкат Мирзиёев Турманистоннинг Чоржў шаҳрида Ўзбекистоннинг Биринчи Президенти Ислом Каримов ёдгорлик мажмуасининг очилишида ҳам қатнашади.
Шавкат Мирзиёев учун бу Ўзбекистон Президенти сифатида илк хорижий ташриф ҳисобланади. Ўз навбатида, Мирзиёев Гурбангули Бердимуҳаммедовнинг учинчи бор Туркманистон президенти этиб сайланганидан кейинги илк юқори мартабали меҳмони бўлади.