Ироқ қуролли кучлари ИШИД террорчилик ташкилотининг қўшни давлатлардаги марралари жойлашган ҳудудларга иккиланмасдан зарба беради. Бу ҳақда Ироқ қуролли кучларининг бош қўмондони, бош вазир Ҳайдар ал-Ободий баёнот берди, деб ёзади ТАСС.
"Мен қўшни мамлакатлар ҳудудидаги террорчиларга зарба бериш борасида ҳеч қачон иккиланмайман. Биз уларга қарши курашни давом эттирамиз", - деган Ал Ободий. Шу билан бирга, унинг қайд этишича, расмий Бағдод бошқа давлат суверенитетини ҳурмат қилади.
Февраль ойининг охирида Ироқ қуролли кучлари Суриянинг Ироқ билан чегарадош ҳудудидаги Албу-Камал минтақасига жойлашиб олган террорчиларга ҳаво зарбаларини берган эди. Рейд икки мамлакат разведкасининг ҳамкорлиги доирасида ўтказилгани хабар берилган эди.