Шимолий Корея жаҳон банк тизимидан узиб қўйилди
9.03.2017 11:45,
17
Шимолий Кореяни Swift халқаро банк тизимидан узиб қўйишди. Бу ҳақда Reuters Бельгия ташқи ишлар вазирига таяниб (Swift’нинг бош офиси Брюсселда жойлашган) хабар берди.
Санкциялар Шимолий Кореянинг учта банкига тааллуқли бўлиб, Пхеньян томонидан ўтказилган навбатдаги ракета синовлари билан боғлиқ.
Аммо Swift’нинг расмий сайтида КХДР билан ишлашдаги чекловлар ҳақида ҳозирча ахборот берилмаган.
Шимолий Корея 6 март куни 4 та ракетани синов тариқасида учирган. Улардан учтаси Япония иқтисодий ҳудудига келиб тушган. Жараённи мамлакат раҳбари Ким Чен Иннинг шахсан ўзи кузатиб турган.