Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Корея Конституциявий Суди президентни ҳокимиятдан маҳрум қилди
10.03.2017 12:10,  
32

Импичмент орқали муддатидан олдин ваколатидан маҳрум қилинган Жанубий Кореянинг собиқ президенти Пак Кин Ҳе ҳокимиятга қайтмайдиган бўлди, дея хабар бермоқда Yonhap агентлиги.

Пайшанба куни Жанубий Корея Конституциявий Суди президентга қарши парламент эълон қилган импичментни маъқуллаб қарор чиқарди. Пак Кин Ҳе Жанубий Корея тарихидаги импичмент орқали истеъфога чиқарилган илк президент сифатида тарихга кирди.

Пак Кин Ҳега ўтган йилнинг 9 декабрьида парламент депутатлариниг кўпчилик овози билан импичмент эълон қилинган эди. Мамлакатни бошқариш вазифаси вақтинча бош вазир зиммасига юклатилган. Навбатдаги президентлик сайлови суд ҳукми эълон қилингандан кейин 60 кун ичида ўтказилиши керак. Ҳозирча сайлов 9 май кунига белгиланиши тахмин қилинмоқда.

Суд қарорида Пак Кин Ҳе президентлик даврида Конституцияни қўпол тарзда бузгани, халқнинг ишончига хиёнат қилгани ва тоқат қилиб бўлмайдиган, жиддий хатоларга йўл қўйгани эътироф этилган. Бундан ташқари, собиқ президентга 2014 йилда 300 кишининг ўлимига сабаб бўлган кема ҳалокати вақтида ўз вазифасига совуққонлик билан қарагани учун ҳам айбловлар қўйилган.

Жанубий Кореяда сиёсий можаролар ўтган йилнинг октябрь ойида бошланган эди. Президетнинг дугонаси компютеридан топилган давлат ҳужжатлари ошкор бўлиши мамлакатда йирик норозилик намойишларига сабаб бўлган. Че Сун Шилга қарши бошланган терговда унинг катта миқдорда молиявий фирибгарликка қўл ургани ва йирик корпорациялардан пора олгани аниқланган.

Парламент президентни ваколатларидан маҳрум қилгач, унга қарши жиноий иш очилган. Пак Кин Ҳе ўз ваколатини суииситеъмол қилиш, давлат ишларига дугонаси аралашишига йўл қўйиш ва коррупцияда айбланмоқда. Пак Кин Ҳе ва Че Сун Шилнинг жиноий хатти-ҳаракатлари орқали мамлакат қонунлари ва Конституциясини мунтазам бузиб келгани эътироф этилган.

Конституциявий Суд қарори мухолиф партиялар ва аҳолининг аксарияти томонидан хурсандчилик кутиб олинган. Яқинда бўлиб ўтажак сайловларда 2012 йилги сайловда Пак Кин Ҳега мағлуб бўлган мухолифат раҳбари Мун Же Иннинг имконияти юқори баҳоланмоқда.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан