Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Telegram’да «Қўнғироқлар» функцияси ишга тушди
13.03.2017 11:53,  
24

Шу йилнинг 17 январь куни Telegram асосчиси Павел Дуров илова жамоаси қўнғироқлар функциясини ишга тушириш бўйича иш олиб бораётганини эълон қилган эди. Ниҳоят, Telegram Info каналининг маълум қилишича, Telegram Beta иловасида қўнғироқларни энг юқори даражада шифрлаб, кучли ҳимояни ваъда қилаётган «Calls» хизмати синов тариқасида ишга туширилди. Айни пайтда ушбу функциядан Android тизимида ишлайдиган смартфон эгалари фойдалана оладилар, деб ёзмоқда Terabayt сайти.

Telegram’да смс-хабарлашган каби, бу хизматдан фойдаланганда ҳам телефон рақамига ҳожат йўқ: алоқадагилар орасидан керакли фойдаланувчини танлаб, қўнғироқни амалга ошириш мумкин. Telegram News ботининг маълум қилишича, фойдаланувчи унга ким қўнғироқ қилиши, жумладан барча Telegram фойдаланувчилар, унинг алоқа рўйхатида бўлганлар ёки ҳеч ким қўнғироқ қилмаслигини назорат қила олади.

Ушбу қулайликдан фойдаланиш истагида бўлганлар илованинг синов талқинини @tgrambeta каналидан юклаб олиб, ўрнатишлари, сўнг мессенжернинг созламаларига кириб, «Switch Backend» тугмасини фаоллаштириб, қайта рўйхатдан ўтишлари керак бўлади. Шундан сўнг бу синов талқинидан фойдаланаётганларнинг рўйхати пайдо бўлади. Яъни, сиз қўнғироқ қилмоқчи бўлган одам ҳам айнан шу бета-версияни ёқиши керак бўлади. Одатий алоқа экранига қайтиш учун эса яна созламаларга кириб, Switch баккенд пунктини фаолсизлантириш керак бўлади.

Calls хизматидан фойдаланиб кўрганларнинг фикрича, мобиль интернет ва Wi-Fi орқали алоқа қурганда алоқанинг сифати юқори даражада бўлган. Маълумотларга кўра, бу жиҳат узоғи билан 5 ҳафта ичида тўлиқ ишга туширилади.

Бунгача Telegram мессенжерининг рақиби бўлган Facebook’нинг WhatsApp хизмати ҳам 2016 йилда видео ҳамда аудио қўнғироқларни амалга ошириш функцияларини жорий қилган эди. Шунингдек, бу қулайлик Viber мессенжерида ҳам яратилган.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан