20-30 яшар кишилар бошқалардан кўра кўпроқ шахсий ҳаёти ва карьерасидан кўнгли тўлмайди, деб ҳисоблайди британиялик олимлар. Мутахассислар аср алмашинишига яқин йилларда туғилиб-ўсган авлодни ўрганиб шундай хулосага келган.
Мазкур тадқиқотда 2 минг ёш британиялик қатнашган. 25-35 ёш оралиғидаги ҳар бешинчи қатнашчи ҳаётидан кўнгли тўлмаётганини билдирган. 18-25 ёш оралиғидагиларнинг ҳолати бир оз яхши, ҳар олтидан бири норозилар сафида.
Тадқиқот раҳбари Стивен Хармсон мутахассислик танлашда инсонга босим ўтказиш ярамаслигини таъкидлайди. Чунки вақт ўтгач у ўз ишидан норози бўлиши мумкин. Замонавий иш берувчилар ходимнинг иш маҳсулдорлиги унинг ўз ҳаётидан қониқишига боғлиқлигини айтиб келади.
Қатнашчиларнинг аксариятини асосий ишдан ташқари ишлаш ғазаблантиради, хусусан, аёллар бу масалада тоқатсиздир.