АҚШ президенти Дональд Трамп 19 март, якшанба куни КХДР билан боғлиқ вазият ва Хитой билан муносабатларни муҳокама қилиш учун ташқи сиёсат ва миллий хавфсизлик масалалари бўйича маслаҳатчилари билан учрашувда шимолий кореяликлар етакчиси Ким Жонг Ин «ўзини жуда, жуда ёмон» тутаётганини айтиб ўтди. Бу ҳақда Оқ уй матбуот хизмати хабар бермоқда.
«КХДР етакчиси Ким Жонг Ин жуда, жуда ёмон иш тутмоқда», — деди Трамп.
Шунингдек АҚШ раҳбарининг таъкидлашича, КХДРга бағишланган бир қатор учрашувларни ўтказди, бироқ у маслаҳатчилари билан айнан нималарни муҳокама қилганига ойдинлик киритмади.
Аввалроқ Трамп Twitter’даги саҳифасида Шимолий Корея хатти-ҳаракатини танқид қилганди.