Алишер Усмонов Forbesнинг энг бой россияликлар рўйхатида бешинчи бўлди
21.03.2017 12:52,
6
Forbes рейтингида энг бой россияликлар орасида келиб чиқиши ўзбекистонлик бўлган Алишер Усмонов бешинчи ўринни эгаллади.
Рейтингни "Новатэк" ва "Сибур" ҳаммуассисиси, 18,4 млрд доллар бойликка эга Леонид Михельсон бошқармоқда. Умумжаҳон рейтингида у 46-ўриндан жой олди.
Алишер Усмоновнинг бойлиги эса 15,2 млрд доллар деб баҳоланмоқда. Усмонов жаҳон бойлари орасида 66-ўринни эгаллади.
Рўйхатдан Михельсон ва Усмонов билан бирга Алексей Мордашов (17,5 млрд), Владимир Лисин (16,1 млрд), Геннадий Тимченко (16), Вагит Алекперов (14,5), Михаил Фридман (14,4), Владимир Потанин (14,3), Андрей Мельниченко (13,2), Виктор Вексельберг (12,4) жой олишди.