Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Жанубий Кореяда уч йил аввал чўкиб кетган кема сув остидан олиб чиқилди
23.03.2017 16:09,  
111

Жиндо ороли яқинида денгизга ғарқ бўлган Севол пароми уч йилдан сўнг сув қаъридан тортиб олинди, дея хабар бермоқда Yonhap​ агентлиги.

Севол паромининг ғарқ бўлиши Жанубий Кореянинг янги тарихидаги энг катта ҳалокатлардан бири ҳисобланади. Кема бортида 476 киши бўлган. Йўловчиларнинг аксарияти (325 нафари) экскурсия учун Жиндо оролига кетаётган Дангвон мактаби ўқувчилари эди.

Паром 2014 йилнинг 16 апрел тонгида Жанубий Корея қирғоқларидан 1,5 км масофада денгизга ғарқ бўлган эди. Ҳалокат оқибатида 305 киши қурбон бўлган ва 172 киши жумладан, 75 нафар мактаб ўқувчиси қутқариб қолинган. Фалокатдан кўп ўтмай, мактаб директорининг ўринбосари ўз жонига қасд қилган.

Кема ҳалокати учун кема капитани ва экипаж аъзолари айбдор деб топилган. Кема капитани умрбод қамоқ жазосига ҳукум этилган бўлса, бош инженер ва экипаж аъзолари узоқ муддатга озодликдан маҳрум қилинган.

145 м узунликдаги ҳамда вазни 6 825 тонна бўлган Севол пароми бугун тонгда 40 метр чуқурликдаги сув остидан чиқариб олинган. Кемани олиб чиқиш учун 72 миллион доллар сарфлангани айтилмоқда. Паром эндиликда Мокпо портига олиб борилади ва бедарак кетган 9 кишининг жасадини қидириш ва фалокат сабабларини аниқлаш учун ўрганилади.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан