АҚШ президенти NASAнинг Марсни ўлзаштириш дастурини молиялаштириш тўғрисидаги ҳужжатни имзолади, дея хабар бермоқда Russian Today ​телеканали.

Қабул қилинган ҳужжат 2018 молиявий йил учун NASA лойиҳаларини молиялашни кўзда тутади. NASA эндиликда Марсни ўрганиш бўйича тадқиқотларга кўпроқ эътибор беришни режалаштирмоқда. Лойиҳа Марсга инсон қадамини етказиш режасини ҳам ўз ичига олади.

Ҳукумат қарорига кўра, NASAнинг янги лойиҳаси учун 19,5 миллиард доллар ажратилади. «Қарийб 60 йилдан бери NASAнинг фаолияти олис дунёлар ҳақида тасаввур қилиш учун ва Ер сайёрасида яхшироқ келажак қуриш учун миллионлаб америкаликларни руҳлантириб келмоқда. Мазкур ҳужжат орқали биз NASA олимлари, муҳандислари, астронавтлари ва кашфиётчилик ишларини қўллаб-қувватлаймиз. Янги иш ўринлари яратилади», – дея янги қонунга изоҳ берган АҚШ президенти.