Украинанинг МИ-2 ҳарбий вертолёти ҳалокатга учради
26.03.2017 21:33,
610
Украина Мудофаа Вазирлигининг матбуот котиблиги Краматорск яқинида МИ-2 ҳарбий вертолёти ҳалокатга учраганлиги ҳақида хабар тарқатди. Хабарга кўра, экипаж аъзолари ҳалок бўлган. Ҳалокат бугун Краматорскдан унча узоқ бўлмаган Малиновка аҳоли яшаш пунктида содир бўлган.
Ҳалокат сабабларидан бири сифатида вертолётнинг электр симлари билан тўқнашиб кетганлиги айтилмоқда.
Хабарда ёзилишича, айни пайтда авиаҳалокатнинг сабабларини ўрганиш ва ҳалокатга учраган экипаж аъзоларининг жасадларини топиш мақсадида қутқарув хизмати ва аксилтеррор хизматининг навбатчи кучлари мазкур ҳудудда фаолият юритмоқда.