Ўзбекистон Республикаси Меҳнат вазирлигининг Ташқи меҳнат миграция масалалари агентлиги “Бандликка рухсат бериш тизимининг корейс тилидан тест синовлари” ўтказилиши тўғрисида хабар берди. Унга кўра, 2017 йилнинг 28-30 март кунлари ариза топшириш (онлайн рўйхатдан ўтиш) жараёни бўлиб ўтади. Аризани муваффақиятли топширган номзодлар 4-5 апрель кунлари тест синови учун тўловни амалга оширади.

Имтиҳонлар 15 майдан бошланади, 28 июлда эса тест натижалари эълон қилинади. Ушбу саналар Корея Республикаси талаби билан ўзгартирилиши мумкин.

Номзодларга қуйидаги талаблар қўйилади:

– 18-39 ёшгача бўлган (1977 йил 28 мартдан 1999 йил 27 мартгача туғилган);

– судланмаган;

– Корея Республикасидан депортация қилинмаган (ёки ноқонуний равишда фаолият юритмаган ва шунга ўхшаш қоидабузарликлар содир этмаган);

– Ўзбекистондан хорижга чиқиши тақиқланмаган;

– меҳнат лаёқатини йўқотмаган (соғлом), ранг ажратиш (дальтоник) қобилияти суст бўлмаган.

Батафсил маълумотлар migration.uz сайтида.