АҚШ президенти Дональд Трамп собиқ президент Барак Обама томонидан киритилган ва иқлим ўзгаришига қарши қаратилган тақиқловларни бекор қилиш ҳақидаги фармонни имзолади. Бу ҳақда Associated Press ахборот агентлиги хабар бермоқда. 

Мазкур қарор билан Трамп янги кўмир конлари устида ишлашга қўйилган амалдаги тақиқни бекор қилади. Президент, шунингдек, янги иш жойлари ташкил қилиш ва атроф-муҳит муҳофазасини таъминлайдиган йўналишни бошлайди.

Аввалроқ Трамп углеводородли ёқилғини ишлаб чиқаришни фаоллаштиришни режалаштираётгани хабар қилинган эди. Бундан ташқари, АҚШ етакчиси кўмир, нефть ва газ қазиб олиш бўйича янги лойиҳаларга рухсат бериш ҳамда қазилма ёқилғи соҳасидаги солиқларни камайтиришни мўлжаллаган эди.