Peruvian Airlines авиакомпаниясининг Boeing 737 самолёти Перунинг Хауха шаҳрида жойлашган Франциско Карл номидаги аэропортга қўниш вақтида ёниб кетди. Самолёт мамлакат пойтахти Лимадан рейс амалга ошираётган бўлган.
Peruvian Airlines самолёти бортида 138 нафар йўловчи бўлганлиги маълум қилинмоқда.
Гувоҳларнинг сўзларига қараганда, уларнинг барчаси эвакуация қилинган ва ҳозирда хавфсиз шароитда. Ҳодиса оқибатида уч киши енгил жароҳат олди.
Аэропортда бир нечта ўт ўчириш бўлинмаси иш олиб бормоқда. Ёнаётган Boeing-737 учиш-қўниш йўлагида бўлиб, кучли тутамоқда.