Ислом Каримов ҳайкали намуналари кўргазмаси бошланди
4.04.2017 10:38,
12
«Кўплаб хорижлик ҳайкалтарошлар танловда иштирок этиш истагини билдирди, — деди Бадиий академия раиси Акмал Нуриддинов. — Германиялик ҳамкасбларимиздан учта, Жанубий Корея ва украиналиклардан иккитадан ишни қабул қилиб олдик, Италия ва Туркманистон муаллифлари ҳам қизиқарли намуналар тайёрлашибди».
Биринчи Президент ҳайкали Тошкент, Самарқанд ва Қарши шаҳарларига ўрнатилади.
Мутахассислар тақдим этилган барча асарларни 10 баллик тизим бўйича баҳоланиб, ғолиб аниқланади. Биринчи ўрин олган ҳайкалтарош 25 минг доллар, иккинчи ўринга —20 минг ва учинчи ўринга 15 минг доллар маблағ топширилади.
Кўргазма ўз ишини 15 апрелга қадар давом эттиради.