Telegram’га янги функция қўшилади
8.04.2017 08:51,
6
Яқиндагина овозли мулоқот функциясини ишга туширган Telegram мессенжеридаги навбатдаги янгиланиш фойдаланувчига яна бир муҳим имконияни тақдим этади, деб ёзади Terabayt сайти.
Planet Mobile порталининг маълум қилишича, илованинг Android қурилмалар учун синов тариқасида ишга тушган сўнгги 3.18.1 бета-версиясида қисқа видео-хабарларни юбориш функцияси мавжуд. iOS фойдаланувчилари ҳозирча бир оз кутишларига тўғри келади.
Видео хабар юбориш учун Telegram мессенжерининг янгиланишини юклаб олиб, иловадаги «микрофон» белгисини босиш керак. Мессенжер шунда фойдаланувчини видеорежим билан улайди ва экранда камера белгиси чиқади. Видеони ёзиб олиш учун бу белгини босиб туриш керак. Видео ёзиб олингач, уни керакли манзилга юбориш мумкин.