Саудия Арабистонининг давлатга қарашли  Saudi Aramco нефт компанияси сотилаётган нефт маҳсулотлари нархини Европа мамалкатлари учун пасайтириб АҚШ учун – оширди, бу ҳақда  Wall Street Journal нашри хабар бермоқда.
 

Европанинг Шимоли-ғарбида жойлашган мамалкатлари учун араб нефти нархи баррелига 35 центга арзонлашди, Ўрта Ер денгизи мамлакатлари учун эса – 10 центга. АҚШ ва Узоқ Шарқ мамлакатларига еткизиб берилаётган нефт баррелининг нархи эса — 10 центга ошди.

Нархлар ўзгаришини соҳа экспертлари, санкциялар олиб ташланганидан кейин, Эрон Европа мамалкатларига нефт еткизиб бера бошлагани билан боғламоқда. Бугунги кунда Эрон нефт экспорти суткасига 400 минг баррелни ташкил қилмоқда.

Эслатиб ўтамиз, 2 июн куни Венада бўлиб ўтган ОПЕК мамалкатлари учрашувида томонлар нефт қазиб олиш ҳажмини камайтириш ёки унга чеклов ўрнатишга келиша олмади, чунки ташкилот аъзоларидан баъзилари нефт қазиб олиш ҳажмини камайтиришдан қатъиян бош тортмоқда.