Диққат: «Ўзбекистон» телеканалида «Ўзавтосаноат» акциядорлик компанияси фаолияти танқидий муҳокама этилади (видео)

12.04.2017 | Ўзбекистон | 4917

12 апрель соат 20:05 да “Ўзбекистон” телеканалида “Мулоқот ва манфаат” номли таҳлилий кўрсатув эфирга узатилади. Кўрсатув давомида “Ўзавтосаноат” фаолиятига оид қуйидаги масалалар танқидий руҳда муҳокама этилади.

Кўрсатувда, жумладан, қуйидаги масалалар кўриб чиқилади: 

  • Автомобиль сотиб олишга шартнома тузиш навбатининг очиқ ва ошкора эмаслиги;
  • Тўловларни банк пластик карточкаси орқали амалга ошириш муаммо бўлаётгани;
  • Автомобильни шартномада кўрсатилган муддатда берилмаётгани;
  • Жисмоний шахслар билан тузиладиган шартномаларда истеъмолчилар ҳуқуқларини чекловчи ва ишлаб чиқарувчилар манфаатига хизмат қилувчи шартлар киритилганлиги;
  • Янги автомобилларда бир қатор носозликлар мавжудлиги;
  • Кredитга автомобиль сотиб олишдаги қийинчиликлар.

Кўрсатувда GM Uzbekistan бош директори вазифасини бажарувчи Рустам Ражабов, GM Uzbekistan маркетинг, савдо ва автосервис бўйича бошқарувчи директори Муҳиддин Султонов,
«Ўзавтотеххизмат» МЧЖ бошқаруви раиси Ботирхўжа Сиддиқов, «Асака» банки департаменти директори Беҳзод Абдурахманов, мазкур банк департамент директори ўринбосари Фаррух Тўлавов, Давлат Рақобат қўмитаси бошқарма бошлиғи Дилшод Азимов иштирок этади.