АҚШ президенти Дональд Трамп Лондонга бўлажак ташрифи чоғида қиролича Елизавета II нинг олтин извошида шаҳар бўйлаб айланиш истагини билдирди. Бу ҳақида Лондоннинг "Times" газетаси хабар берди.
Оқ уй Лондондаги «извошли сайр»ни октябрь ойининг иккинчи ҳафтасига мўлжалланган ташрифнинг муҳим қисми ҳисоблашига шама қилган. Бироқ махсус хизматлар бу истак «улкан хавфсизлик чоралари»ни талаб қилиши ҳақида огоҳлантирди.
АҚШнинг собиқ президенти Барак Обама, шу жумладан Россия президенти Владимир Путин, Мексика президенти Энрике Пенья Нието, Хитой президенти Си Цзинпинь Британияга ташриф буюрганда аравада эмас, ўқ ўтказмайдиган транспорт воситасида ҳаракатланишган.
Лондон полицияси охирги йиллар мобайнидаги энг йирик жамоат тартибини сақлаш операциясига тайёргарликни бошлади. АҚШ президентининг Лондонга ташрифи шаҳар марказида ўн минглаб намойишчиларни тўплаши мумкинлиги кутилмоқда.