Тошкент шаҳрининг икки туманига янги ҳокимлар тайинланди. Сергели туманига Раҳмонов Бахтиёр Султонович, Яшнобод туманига эса Дилмурод Турдиев Рахматжонович ҳоким бўлди.
Тошкент шаҳри ҳокими ўринбосари Раҳмонов Бахтиёр Султонович эндиликда ушбу Сергели ҳокими сифатида иш бошлайди.
Раҳмонов Тошкент шаҳри ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари сифатида фаолият кўрсатиб келаётганди.
Турдиев Дилмурод эса бунгача Ўзбекистон Республикаси Иқтисодиёт вазирининг Демография, ижтимоий соҳани ва минтақаларни ривожлантириш масалалари бўйича ўринбосари лавозимида фаолият юритган.