Валюта курси: Ўз.Р.Марказий банки
USD
АҚШ доллари
EUR
Eвро
RUB
Россия рубли
Sayt test rejimida ishlayapti!!!

Сўнгги янгиликлар






Samsung Galaxy S8 учун рекорд миқдорда буюртма олди
19.04.2017 10:47,  
1

Samsung компанияси томонидан жума куни сотувга чиқарилиши кутилаётган янги смартфонга 10 кун ичида бир миллион донадан ортиқ буюртма қабул қилинди, дея хабар бермоқда Yonhap агентлиги.

Samsung смартфонлари сотиб олишни истаганлар сони бўйича Galaxy S8 компания рекордини ўрнатган. Galaxy S7 учун бир ҳафтада 200 минг, Galaxy Note 7 учун эса 13 кун ичида 400 минг буюртма қабул қилинган эди.

Компания 7-17 апрел кунлари Galaxy S8 учун буюртма берганларга янги смартфонни етказиб беришни бошлаб юборгани айтилмоқда. «Смартфонлар қироли» сифатида таърифланаётган Galaxy S8 21 апрелдан Жанубий Корея, АҚШ ва Буюк Британияда расман сотувга чиқарилади.

Samsungнинг Galaxy сериялари янги авлоди бўлган Galaxy S8 ва Galaxy S8 Plus смартфонлари 29 март куни тақдим қилинган эди. Дунёнинг энг йирик смартфон ишлаб чиқарувчиларидан бири ҳисобланган Самсунг 40 миллион донадан кўпроқ Galaxy S8 сотишни режалаштирмоқда. Galaxy S8 Plus билан бирга тахминан 60 миллион дона смартфон сотилиши кутилмоқда. Маълумот учун, 2016 йилда сотувга чиқарилган Galaxy S7 смартфони 48 миллион нусхада сотилган.

Ўтган йилнинг август ойида тақдим қилинган Galaxy Note 7 смартфони батареяси билан боғлиқ муаммолар сабаб Samsungнинг смартфонлар бозоридаги обрўсига жиддий путур етказган. Таҳлилчилар Note 7 билан бўлган муваффақиятсизлик сабаб Samsung команияси 17 миллиард доллар зарар кўрганини айтишмоқда. 2016 йилнинг учинчи чорагида компаниянинг даромади 33 фоизга тушиб кетган. Янги смартфон Samsungнинг Note 7 туфайли йўқотилган обрўсини тиклаши кутилмоқда.

Тавсия этамиз






Тавсия этамиз

Ҳар доим хабардор бўлинг!

carzone.uz мобил иловаларини кўчириб олинг ва барча янгиликлар сиз билан